سياسة الدفع والإلغاء والتعديلات

• بالأردن: CliQ أو كاش · من بلد تاني: PayPal، بنفس السعر.
• نص المبلغ قبل ما أبلّش الشغل، والنص التاني بعد 14 يوم من الدفعة الأولى، بكل الخدمات والباقات والاشتراك الشهري.
• إلك 48 ساعة تراجع الشغل، وبعدها 2–3 جولات تعديل لكل قطعة.
• إلغاء قبل ما أبلّش: الدفعة الأولى بترجعلك كاملة. بعد ما بلّشت: ما بترجع.

طرق الدفع: بالأردن بتدفع بـCliQ أو كاش. من أي بلد تاني، بتدفع بـPayPal أونلاين على حساب باسمي: نفس السعر بالدينار، بتدفعه بالدولار.

الدفعتين: بتدفع نص المبلغ قبل ما أبلّش الشغل، والنص التاني بعد 14 يوم من الدفعة الأولى.

الاشتراك الشهري: بالباقات وكتابة المحتوى وإدارة الإعلانات، كل شهر بنفس الطريقة: نص قبل ما أبلّش شغل الشهر، ونص بعد 14 يوم.

المراجعة والتعديلات: بعد ما أسلّمك، إلك 48 ساعة تراجع وتبعتلي ملاحظاتك، وبعدّل تعديلات بسيطة. لكل قطعة 2–3 جولات تعديل. إذا مرقت الـ48 ساعة بلا ملاحظات، الشغل بيعتبر مستلَم. التعديل اللي بيغيّر الفكرة كلها بعد ما اتفقنا عليها بيعتبر شغل جديد بسعره، وبنتفق عليه قبل ما أبلّش فيه.

الإلغاء والدفعة الأولى: إذا ألغيت قبل ما أبلّش الشغل، الدفعة الأولى بترجعلك كاملة. بعد ما بلّشت، ما بترجع، وبتستلم اللي خلص. يوم التصوير بيتأجل ببلاش قبل موعده بـ48 ساعة؛ أقل من هيك، بنحدّد موعد جديد مرة وحدة، وما بتخسر الدفعة.

شو مش ضمن السعر: ميزانية الإعلان (بتدفعها إنت للمنصة مباشرة) · العارضة بالتصوير · التصوير برّا عمّان (بإضافة).

عندك سؤال عن الدفع؟ ابعتلي قبل ما نبلّش.